سه شنبه 3 ارديبهشت 1398

سه شنبه 3 ارديبهشت 1398
(0 رای‌ها)
(0 رای‌ها)

ندای خواهر در کنار گودال

اوپراتور سایت 23 تیر 1395 1214 بازدید چاپ

ای خوش بزنن منظر زیباسی حسینیم

قانه بویانان قامت رعناسی حسینیم

اوخلار آلوب آغوشه اوسلطان حجازی

بو عشق حقیقتدی نه معنای مجازی

تپراقلارین اوستونده ائدوب راز و نیازی

عرفان یارادان عالم معناسی حسینیم

هجراب عبادتده ائدن عالمی حیران

هم سجده گهی همده اولان غسلی قیزیلی قان

دنیا گوره حاشا بئله بیر عابد نالان

زینت یارادان عرشه مصلّاسی حسینیم

ارواح برین ناظریدی  کرب بلایه

حیرتله قالوب عرش خدا یوم بلایه

زهراده گلوب ناظر اولوب قانلو منایه

مبهوت ائلیین عالمی غوغاسی حسینیم

زینب باجی سی قتلگه سالدی نظاره

قاتل قیلبخندان یاپشوب چکدی کناره

بارماقلارینون قانی آخوب قانلو مزاره

گودالیده بر پا اولان اجلاسی حسینیم

گونلر قاباقیندا یخیلوب شاه شهیدان

معشوقینه تسبیح ائلیور لبلری عطشان

باشه ان سوزولورلوزلرینه لخته له نورقان

محزون ائلیین عترتی سیماسی حسینیم

چیخمیش سینه سی اوسته ائله شمری تجسم

قاتل یوزونه باخدی حسین ائتدی تبسم

زهراده گلوب مقتله ائیلوردی ترنم

قانه بویانان قامت رعناسی حسینیم

قیزلار العطش سسله یوری خیمه سراده

روح شهدا درده گلویدی او صدادن

سیّده توکر گوز یاشینی شور و نوادن

غوغا ائلیین منطق شیواسی حسینیم

 

سید علی اکبر اوجاق نژاد

adver2