سه شنبه 3 ارديبهشت 1398

سه شنبه 3 ارديبهشت 1398
(0 رای‌ها)
(0 رای‌ها)

دعای مجلس

اوپراتور سایت 23 تیر 1395 1343 بازدید چاپ

الهی رحمتون ائیله بو مجلسه احسان

کمال لطفیله عفو ائت بو جمعی یا رحمان

الهی قلبلره نور حق کرامت ائله

اوزاق سفرده مسافرلری سلامت ائله

اوجالد بیرق اسلامی ای خدای ودود

علَم کفری یخیب اوزلرین ائله نابود

سران حوزه علمیه نی سلامت ائله

مقام رهبریَه طول عمر عنایت ائله

کمال لطفوی یا رب قیل بیزه شامل

علوم معرفته ائیله بیزلری نائل

نصیب ائله آقامون کربلا زیارتینی

عنایت ائیله قیامت گونی شفاعتینی

خانملارا آبیر عصمت جوانلارا غیرت

سبیل حقّی حفاظت ائدنلره صولت

ولایت اولکه لرین ائیله شرّدن آزاد

صفای حقیله ائیله اورکلرین آباد

الهی صاحب مجلسون ائت بو بزمی قبول

ایکی جهاندا اونی اولماسین بیر آن ملول

عزیز قوناغلارین حاجتلرینی ائیله روا

بوتون اولن لرینه جنّتونده وئر مأوی

خانم اولمیان اوغلانلارا خانم عنایت ائله

اولارا ایستی چوره ک لَر سرین سو قسمت ائله

اوغوللّی قیزلی اِله ، ائیله بورجلارین پرداخت

نصیب ائله همی ده یاخشی ائو اولا تزه ساخت

ایچینده تلویزون تلفنی سووی برقی

ایشقلی پاسیؤلی جنّتله اولماسون فرقی

ایچینده سوناسی استخری ایستی حمّامی

اطلاقلاری یکه اولسون مرتب اقلامی

نصیب ائله بیزه یا رب اوردا بال قیماق

ناهار خوشمزه کوفته شاما تزه قویماق

تمیز کباب سولی دولما قوزی أتیله چلو

گوزل سالاد ساری بز باش یانیندا یارما پلو

سحره کلّه پاچا اونَده بی یول ماهی

کیم ایسته مور بو کفی ائیلیون نظر خواهی

من ایستورم بو کفی اهلینه ائدم تقدیم

عوضینه بیلارین ذات حیّ قدیم

علی محبتینی سیّده ائده حسنات

بحق سوره ی الحَمد و بیراوجا صلوات

امین رب العالمین

 

سید علی اکبر اوجاق نژاد

adver2