سه شنبه 2 بهمن 1397

سه شنبه 2 بهمن 1397
(1 رای)
(1 رای)

حضرت مهدی (عج)

اوپراتور سایت 23 تیر 1395 1391 بازدید چاپ

خالص اوره یه جلوه سالان یاردی مهدی

ذکر اهلینه دلدار وفاداردی مهدی

قران هدفین حفظ ائیلین حجت رحمان

عرفان فلکین سیر ائدن انواردی مهدی

باطلدن اگر قلبده بیر نفرتون اولسا

پیروسن اونا ، واقف اسراردی مهدی

ای مهدیه طالب اولان حرّیتون اولسون

هم یاور و هم هادی احراردی مهدی

جسمانی حیات اهلینه معیار اوره کدی

روحانی حیات اهلینه معیاردی مهدی

عشقون وار اگر مهدیه یاد ائیله حسینی

دائم اوسوسوز جدّینه زواردی مهدی

بیر دم چیخ اوزوندن قیراغا عشقیله سیّد

 

چات محضرینه طالب دیداردی مهدی

سید علی اکبر اوجاق نژاد

adver2