تفسیر ائدیب مقدس اولان قانی اربعین
یایدی جهانه عطر شهیدانی اربعین
قورتاردی چون امام زمانین شهادتی
چکه ی یزید نقشه ، او شیطانین امتی
تا کربلاده دفن ائده حق و حقیقتی
باطل ائدیب او نقشه ی شیطانی اربعین
اول کی سالیب سمایه صداسین شهدتین
اثبات ائدیب جهانه حسینین ولایتین
یا کی سالبدی جانینه لرزه جنایتین
معناسی روح حقدّی عنوانی اربعین
آیر یلدی شه شامیدن أشرف حق شناس
باشلاندی تا مدینه ده مظلوم حسینه یاس
زهرا ده گلدی ائیله دی زینبدن التماس
دولدوردی واحسینیله دنیانی اربعین
کرببلاده بیر گوزل عالَم یاراتدی عشق
اول عالم ائیچره داغ کیمی ماتم یارتدی عشق
ماتم ائیچینده جنّت اعظم یاراتدی عشق
چکدی اوزه او جنّت اعلانی اربعین
سالدی سمایه بر قینی تیع عدالتین
گوستردی اهل عالمه ظلمون نهایتین
تاریخه ثبت قیلدی حسینین شجاعتین
شرح ائتدی خلقه قدرت قرانی اربعین
آیدین لادی جمال حقی مثل آفتاب
بلّندی کربلاده ندن قویموش انقلاب
بیر جلوه سالدی سیّدین اشعاری اولدی ناب
ائتدی اونون کلامینی نورانی اربعین
