مکه شهرینده حاجی چون هیجان لازیمدی
هجرت واقعی روحه تکان لازیمدی
عابد و زاهد و صوفی هامیسی بیلمه لیدور
گیرمَیه معرکه عشقه توان لازیمدی
ماومن اهلینه معنای توان مبهمدور
اولارین جهلی دونه علمه زمان لازیمدی
او گوزل کلمه نی تفسیر ائده عشّاق ایستور
جهد ائدوب رتبه ی عشاقه چاتان لازیمدی
اهل عرقان و ادب جمله سی سویله لّه بونی
چاتماقا مرتبه عشقه امان لازیمدی
بلدالامن دی بو شهرین آدی قراندا
ولی اونانّدا سورا حسِّ گمان لازیمدی
کیم کی عشق اهلی اولارصدقیله احرام باغلار
کعبه ی عشقی طواف اتمه گه جان لازیمدی
دوغرودور کعبه نی اوپّک بشره روح وئرر
ولی اونّاندا گوزل اوردا یاتان لازیمدی
حجر اسماعیلی شوط ایله مییَن حجاجون
حجی باطلدی اونا اخذ زیان لازیمدی
انت حلّ ایه سی قرانیده الله سوزودور
یعنی بو بیته شرافت وئره سان لازیمدی
صاحب شأن و شرف پنج تن ال عبا
فیض عظمادی اولار فیض آپاران لازیمدی
واژه ی قدس امامت سایلور شرط قبول
حکم توحیده بلی روح و روان لازیمدی
کربلا سیز نه صفا مروه نه زمزم نه منی
کعبه نب کعبه ائده میر جنان لازیمدی
کعبه نی حفظ ائلییَن کرب بلا دور سید
چون دوام ائتمه یَه بیت اللهی قان لازیمدی
