بیر خبر دیر ، بورونوب حکمته شعبان یار یسی
جانلاری دعوت ائدر ، صحبته شعبان یاریسی
نور دور ، ظلمتی محو ائتمکه ، بیر گون شاخاجاق
هله لیک وئرمیش امان ظلمته ، شعبان یاریسی
انتظار ائتدی یاریم جان سنی گر غصّه یمه
تازه جان بخش ائله ییر امتّه ، شعبان یاریسی
جان وئریب ، روح وئریب ، عمر وئریب حشره کیمی
مکتبه ، مذهبه ، حرّیته ، شعبان یاریسی
دمبدم عصرین امامی ائله ییر جلوه ، بلی
قویماز اسلام دوشه غربته ، شعبان یاریسی
تارومار ائیلییه جک باطلی ، غیرت قُشونو
وئرمه ییب اذن هله غیرته شعبان یاریسی
نا امید اولما ، ویراد بیر گونی ، وحدت علمین
چاتدیراد سیّدی ده راحته مقصده شعبان یاریسی