گوزل سوزونه یارانمیش گوزل جهان شاهین
اگر چه سوزده ، جهانی ائدیب نهان شاهین
أدب سما سینا اولدوز کیمی وئریب زینت
او سرّلر کی ائدیر شعرین ، بیان شاهین
صفای روحی مکمّل ، وفاسی نقصان سیز
کلامی محکم و جانانه وُ ، روان شاهین
فضای عشقینی عمده صداقت عالمینی
غزل لرینده وئریر عالمه نشان شاهین
بوبیر حقیقته ، شاهدی مجمع الشعراء
که اینجه نکته لری ائیله ییر عیان شاهین
دئدیم که کیمدی محبت چراغی ای سیّد
دئدی هراس ائله مه سسله قهرمان شاهین
