وصف حضرت زهرا (س)
دیینده نعبد جان بخش ائدیب عبادته زهرا
ائدنده سجده صفا وئردی معنویتّه زهرا
قیلاندا صبح نمازین نسیم صبحی دیریلدی
دعا ائدنده تکان وئردی عرش حکمته زهرا
اگر چه نازکیدی قلبی گل لرین ورقیندن
تحمل ایله دی داغدان اغر مصیبته زهرا
اولارکی فاطمه نی ائینجیدیبله نیله جک لر
پیمبریله قریاندا قدم قیامته زهرا
سمایه کیم سفر ائته گورردیورله ملک لر
علی عدالته معنا یاراتدی عصمته زهرا
او قدری مکتب زهراده درک معرفت اورگن
که حشرده سنی لایق گوره شفاعته زهرا
یازیم نه علمیله او حضرتین شرفیندن
بو بسدی که انالیق ایلییب امامته زهرا
