دوشنبه ۲۵ شهریور ۱۳۹۸

دوشنبه ۲۵ شهریور ۱۳۹۸

عشق دیدار

۱۳۹۸ سه شنبه ۲۱ خرداد 63 بازدید چاپ

تا او شیرین دلبری درک ایلدیم رؤیاده من
دوندی احوالیم قرار و صبری ویردیم باده من
گَل او نورانی جمالین بایرامین گوستر منه
الده جانیم اولموشام قربانلیقا آماده من
چکمرم أل در گهوندن هر قدر قوسون منی
عشقوه باغلانمیشام تا ، اولموشام آزاده من
اولماسا دیداروون گر شوقی ای شیرین نگار
نیلورم دنیا حیاتین قالمارام دنیاده من
سورما مندن قلبیمون درد و غمیندن ای طبیب
چوخدان اول بیچاره نی تاپشورمیشام صیاده من
سیّدم عشقیله اول گوندن که اولدیم آشنا
جیران اولموش عقلیمی غرق ایلدیم معناده من

نظرات

نظر دهی برای این مطلب بسته شده است.
اولین نفر باشید که نظر می دهید!

adver2

مناسبت ها

اوقات شرعی

اذان صبح 05:23
طلوع خورشید 06:47
اذان ظهر 12:59
غروب آفتاب 19:11
اذان مغرب 19:29
نیمه شب شرعی 23:12

پایگاه اطلاع رسانی اجاق نژاد
حجت الاسلام والمسلمین حاج سید علی اکبر اجاق نژاد (مدظله العالی)
تمام حقوق سایت متعلق به ocaqnejad.net می باشد.
استفاده از مطالب با ذکر منبع بلامانع است
طراحی و توسعه توسط: