جوهر غیرت طلب ائتسون اگر عباسه باخ
ائیسته سون روح شجاعتدن خبر عباسه باخ
شمسی گورمه ائیسته سون مولی حسینه قیل نظر
کئچسه ذهنوندن اگر تایسیز قمر عباسه باخ
بیر قولون اسلام ائدیب تعریف ایمان بیر قولون
ائیسته سون اسلام و ایماندان خبر عباسه باخ
هر زمان کئچسه خیالوندن نهایتسیز وفا
مکتب مولی حسینه سال نظر عباسه باخ
بیلمَه ییرسن گر بشر اوستون یارانمیش یا ملک
سنده بیر لیکده ملک لن ای بشر عباسه باخ
بیلمیرم نه حاله قالمیشدی او غیرت قامتی
بیربیره اهل سما سویلردیلر عباسه باخ
سیّدا گر سنده طالبسن عزادار اولماقا
میدانا قولسوز یخلیلمیش باهنر عباسه باخ