شنبه ۲۳ آذر ۱۳۹۸

شنبه ۲۳ آذر ۱۳۹۸

مذاکره  گرگ  و سگ

۱۳۹۸ دوشنبه ۳ تیر 72 بازدید چاپ

سفارش گرگ به سگ 
بیر گئجه گلدی ائیته قورد طرفیندن بو سُراغ
کی منه وارد اولوبدور نچه عزّتلی قوناغ
اوّ صبحده یولّارسان ایکی یاغلی قویون
یولّا سون یوخدی ائیشیم یولّاماسون یاسدی طویون
مخفی ساخلا بوسوزی مالکه بیلدیرمنه گیلن
قوردا سن یاغی اولوب قانونی توکدورمه گلیسن
قوردلارین سهمی آغیردور دیشی حنجر گوجی چوخ
قانونون آلتینا گیرمَز ابداً قورخوسی یوخ
أباًعن جدٍّ ائله من بئله یولدان یمیشم
زحمتین خالق چکیب نوشینی من ائیله میشم
سنی من ، آغزوی آچسون چکرم دیوانه
مالوی محو ائدرم ائو ائشیگون ویرانه
مال منیم ، سوزده منیم ، قوّه و قدرتده منیم
هر یانا یوز قویاسان زوریله جرئتده منیم
نه چه سن ، سن بِچارا جیبده یوخون اسکناسون
نه اداراتدا ألون وار نه أگینده لباسون

مذاکره گرگ و سگ 
جواب سگ
جوابین یولّادی ائیت حضرت والا جنوار
یدیگون أملیک اَتی ائیسته دیگون یاغلی داوار
صاحبیم اوزمالینا چونکه منی ائتدی امین
دای خیانت ائله مه بنده ای چون اولدی چتین
دگول انصاف امانتده خیانت ائله مک
اللهین امرینه عصیان سنه طاعت ائله مه
من بو شخصین قاپیسیندا یمیشم نان و نمک
آدام حقدن نجه کچسون ائلیوب چوخلی کمک
اوّلاً شخص گرک محکم اولا دِنینده
خاصّه اول کس کی اولا خلق یوکی چینینده
بو قویونلارکی گورورسن منه تسلیم اولونوب
فقرا و ضعفانوندی کی تقدیم اولونوب
بیر نفر خونِ دلیله بجروب بیرجه یمک
عدل و انصافدان اوزاقدور سنه تقدیم ائله مه
بو سوری یوز نفرون سوت قاتیقی آیرانیدور
اللّی بیچاره یتیمون مالیدور حیواندور
اللّی باش قالماسا بورکسیز سنه بورک اولمیاجاق
ظالمون قارنینا هرچه توکه سن دولمیاجاق
مملکتده گوروسن مین نفره ائو سوکولور
تا کی بیر ظالم پر قوّیّه دام داش تیکیلور
نجیسم گر چه ولی واردو منیم باطن پاک
یمه گیم خالی سوموکدور اطاقیم مسنه خاک
من گره حفظ ائلییَم کلّه نی اوزجانیمیلن
عدل و انصافی یازام یرده قیزیل قانیمیلن
سگ بران آدم بی رحم شرافت دارد
که دل مردم بیچارههمی آزارد

نظرات

نظر دهی برای این مطلب بسته شده است.
اولین نفر باشید که نظر می دهید!

adver2

مناسبت ها

۷ دی ماه پنجم [1 جماد أول]
۴ دی وﻻدت ﺣﻀﺮت ﻋﻴﺴﻲ ﻣﺴﻴﺢ (ع) [27 ربيع ثاني]
۱۶ آذر وﻓﺎت ﺣﻀﺮت ﻣﻌﺼﻮﻣﻪ (س) [9 ربيع ثاني]
۱۴ آذر وﻻدت اﻣﺎم ﺣﺴﻦ ﻋﺴﻜﺮي (ع) [7 ربيع ثاني]

اوقات شرعی

اذان صبح 06:36
طلوع خورشید 08:06
اذان ظهر 12:59
غروب آفتاب 17:52
اذان مغرب 18:12
نیمه شب شرعی 23:09

پایگاه اطلاع رسانی اجاق نژاد
حجت الاسلام والمسلمین حاج سید علی اکبر اجاق نژاد (مدظله العالی)
تمام حقوق سایت متعلق به ocaqnejad.net می باشد.
استفاده از مطالب با ذکر منبع بلامانع است
طراحی و توسعه توسط: