دوشنبه ۳۱ شهریور ۱۳۹۹

دوشنبه ۳۱ شهریور ۱۳۹۹

موعظه ی ربّانی بر انسان جاودانی

۱۳۹۸ دوشنبه ۳ تیر 195 بازدید چاپ

بختین الیندن ایسته سم شکوانی اعلان ائیلرم
آهیله فریاد ائیلیوب دادیله افغان ائیلرم
قصدیم بودور اخلاصیله مبهملری ایضاح ائدم
فکر ائیله مه بوش حیله نعمتده کفران ائیلرم
ائتمه تعجب قوی سنه دنیانی توصیف ائیلیوم
وصف ائیله سم دنیانی بوجمعی پریشان ائیلرم
یاز آی قلم سعی ایله چوخ مطلب کناره دوشمه سون
ربّیمده لطف ائیلر سوزی سرعتله پایان ائیلرم
یا ایهاالانسان بوگون دنیا اکیندورسیزلره
سیز حقیلن اولسوز سیزه دنیانی احسان ائیلرم
بوگوز ویروب تز آلّادان دنیا سیزی آلّاتماسون
من مین جوره نعمتلری وقتینده ارزان ائیلرم
شهوت بناسین سیز همی نفسین رضاسین ترک ائدون
تنها بویولداندور ایکی دنیایه سلطان ائیلرم
سن باخ کمال عشقیله ، عرفانیله ملکِ حقه ( حاق ملکینه )
گور قلبوی بیت خدا و عرش رحمان ائیلرم
چون معدن حبّ و ادب عرفاندی هر قلبین یری
عشق وصاله گر دولا هر قلبی سوزان ائیلرم
چوخ ائتمه آرایش اوزون ظاهرده تزیین ائیله مه
تزویر و نیرنگ اهلینی من شرکه قربان ائیلرم
فی الدرک اسفل دور مکان هر بیر مزور شخص چون
من همده کی بو فرقیه دنیانی نیران ائیلرم
سیز اَلَّلشون باطنلری اصلاح ائدون ظاهر کیمی
یوخسا سیزه ظاهرلری باطینله یکسان ائیلرم
غافل مثالی یاتمیون خواب گراندان أل چکون
مأمور موتیلن سیزی بیردن هراسان ائیلرم
گوز عالم ناسوتیدن اورت عالَم معنایه باخ
معنا گورن انسانلاری واقع ده انسان ائیلرم
پاک و منزّه قلبلر آشسا بصیرت گوزلرین
ناظر اونی باطنلره یا عرش رحمان ائیلرم
هستی سینی کیم بذل ائده الله یولوندا صدقیلن
وئرّم عوض عزّت اونا محبوب دورن ائیلرم
اعمالینی اخلاصیله زینت ویرن عاشقلری
عشقینده ثابت ائیلیوب واصل به عرفان ائیلرم
هر مقطع نَجدینده الهامیله یول گوستروب
اولّام اوزوم استاد اونا تفسیر قران ائیلرم
هر قلبی ذکر اللهیله گورسم سلیم و مطمئن
دنیانی ده عقباینده توأم گلستان ائیلرم
قالو بلی پیمانینی صدقیله ایفا ائیلیون
رحمتله یوم الحشرده اجراء پیمان ائیلرم
سیز والذین جاهدوا فینانی امضا ائیلیون
منده آغیر زحمتدی محشرده جبران ائیلرم
کیم البلاء للولا فرمانینه ( دستورینه ) تمکین ائده
روحین فراخ و هم ره ختم رسولان ائیلرم
فعل تهجَّد امردو اسراده کیم ائتسه عمل
وئرّم جلا رخسارینه چون ماه تابان ائیلرم
هر کس علیک بالخشوع فرمانین اجر ائیله سه
اولّام اونا طالب اونی دیداره عطشان ائیلرم
ایمان یولوندا گر بیری دنیا صلاحین ترک ائده
هم دین و هم دنیاسینی آباد و عمران ائیلرم
سید اگر دنیایه سن ایمانی قربان ائیله سن
ضیق جهانه مبتلا عقباده خذلان ائیلرم
دنیا دنیدن آیریلیب أدنالرین معشوقی دور
عاشق اولان آدنی لری محکوم هجران ائیلرم

نظرات

نظر دهی برای این مطلب بسته شده است.
اولین نفر باشید که نظر می دهید!

adver2

مناسبت ها

۲۴ شهریور ﺷﻬﺎدت اﻣﺎم زﻳﻦاﻟﻌﺎﺑﺪﻳﻦ (ع) ﺑﻪ رواﻳﺘﻲ [26 محرم]
۱۱ شهریور ﺷﻬﺎدت اﻣﺎم زﻳﻦاﻟﻌﺎﺑﺪﻳﻦ (ع) [13 محرم]

اوقات شرعی

اذان صبح 05:28
طلوع خورشید 06:52
اذان ظهر 12:57
غروب آفتاب 19:02
اذان مغرب 19:20
نیمه شب شرعی 23:11

پایگاه اطلاع رسانی اجاق نژاد
حجت الاسلام والمسلمین حاج سید علی اکبر اجاق نژاد (مدظله العالی)
تمام حقوق سایت متعلق به ocaqnejad.net می باشد.
استفاده از مطالب با ذکر منبع بلامانع است
طراحی و توسعه توسط: