پنجشنبه ۱۵ خرداد ۱۳۹۹

پنجشنبه ۱۵ خرداد ۱۳۹۹

وصف حاجی واقعی

۱۳۹۸ سه شنبه ۲۸ خرداد 132 بازدید چاپ

گوزلریم مخمور اولوب معناده خمّار آختاریر
خواب غفلتدن دیوب جانانی بیدار آختاریر
آشیان محبسیمدن چیخمیشام پرواز ائدم
مرغ نالان و پریشان پرتو یار آختاریر
باغلیور احرام تازه حاجیلا میقاتیده
صاحب میقات عشقی بو دلِ زار آختاریر
کلمه جان پرور لبیک عروج ائیلور گویَه
صوت لبیک و سعید یکی دل افکار آختاریر
جهد ائدور حجاج سرعتلن چیخا احرامیدن
عارف نالان ولی میقات سیّار آختاریر
وصلت ماه جمال دلبری ائیلور طلب
عاشقانه شوط ائدور دیداره ابرار آختاریر
حاجیلار دوتموش کنار کعبه ده استاردن
بوولی اوز عشقینه رونقلی بازار آختاریر
سعی ائدور حجاج مسعاده کمال شوریلن
اهل معنا عالم حیرتده اسرار آختاریر
سعی ائدنلر مروه ده تیغ آختاریر تقصیر ائده
اهل دل رسم نمای عشقه پرگار آختاریر
ائیلیور مشعرده حجاج ازدحامیله وقوف
چشم بینای حقیقت اوردا زوّار آختاریر
کلمه ی زحمته بیر نقطه حجاب عشقدور
عاشق کوی طریقت عشقه معیار آختاریر
ایستیور ارباب عرفان عشقینی اثبات ائده
پوزماقا اول نقطه نی معناده منقار آختاریر
پرده ی مشکینی کعبه قرب حق ابزاریدیر
کامه چاتماق چون بو عاشق آیری ابزار آختاریر
کعبه و زمزم ،منی و مشعر و کوه حراء
عطر اعلادور ولکن مونس عطّار آختاریر
غار مکّه ، شیب بوطالب دگول ناآشنا
گوزلریم بو چولده امّا یاسر عمّار آختاریر
کوی ابراهیم و هاجرده ائدنده هروله
بو دل افزرده ، ابراهیمی رفتار آختاریر
قلّه عرفان و رحمتده گزیر زوّار عشق
عشقی تحکیم اتمه گه اوراد و اذکار آختاریر
اول حقیقی عشقباز و عاشقِ شوریده سر
قلب سوزانیله اوردا چهره ی یار آختاریر
چشم پر آبیله بیرگون اول شه والامقام
گور دولر بیت النّبی ده قانلو دیوار آختاریر
درگه مولی یانوب سینه ی حریم مصطفی
نو گل باغ رسالت یرده انصار آختاریر
دخت پیغمبر دوشوب چون آیه قران یره
باشه سالماق چون عبا مرغ گرفتار آختاریر
زینت آغوش زهرا سیّد بطحا حسین
یاره لنمیش سینه ی مادر ده مسمار آختاریر
مجلس ماتمده زینب زلفینی توکموش یوزه
داغ سوزان خانم زهراده غمخوار آختاریر
دیده گریان کلبه ی زهراده أیلشمیش علی
اللّری قوینوندا بیر ایستکلی بیمار آختاریر
چشم امیّدیله سید یاز آنان زهرا غمین
گوزلرون محشر گونیی قیمتلی آثار آختاریر

نظرات

نظر دهی برای این مطلب بسته شده است.
اولین نفر باشید که نظر می دهید!

adver2

مناسبت ها

اوقات شرعی

اذان صبح 04:04
طلوع خورشید 05:49
اذان ظهر 13:03
غروب آفتاب 20:17
اذان مغرب 20:38
نیمه شب شرعی 23:06

پایگاه اطلاع رسانی اجاق نژاد
حجت الاسلام والمسلمین حاج سید علی اکبر اجاق نژاد (مدظله العالی)
تمام حقوق سایت متعلق به ocaqnejad.net می باشد.
استفاده از مطالب با ذکر منبع بلامانع است
طراحی و توسعه توسط: