Bazar 18 Avqust 2019

Bazar 18 Avqust 2019

HACININ VƏSFİ

2019 Tuesday 25 June 21 Baxiş Çap

Məkkə şəhrində hacıyçün həyəcan lazımdı,
Hicrəti-vaqeiyi-ruhə təkan lazımdı.

Abidü, zahidü, sufi, hamısı bilməlidi,
Girməyə mərəkeyi-eşqə təvan lazımdı.

Mavü mən əhlinə mənayi-təvan mübhəmdir,
Onların cəhli dönə elmə, zaman lazındı.

O gözəl kəlməni təfsir edə üşşaq istər,
Cəhd edib rütbeyi üşşaqə çatan lazımdı.

Əhli-irfano ədəb cümləsi söylərlə bunu,
Çatmağa mərtəbeyi-eşqə aman lazımdı.

Bələdül-əmnidi bu şəhrin adı Quranda,
Vəli ondan da sora hüsnü güman lazımdı.

Kim ki, eşq əhli olar sidq ilə ehram bağlar,
Kəbeyi-eşqi təvaf etməyə can lazımdı.

Doğrudur Kəbəni öpmək bəşərə ruh verir,
Vəli ondan da gözəl orda yatan lazımdı.

Hicri-İsmaili şovt eyləməyən hüccaın,
Həcci batildi ona əxzi-ziyan lazındı.

“Əntə hil” ayəsi Quranida Allah sözüdür,
Yəni bu Beytə şərafət verə şan lazımdı.

Sahibi-şənü şərəf pənc təni-“Ali-əba”,
Feyzi-əzəmdi olar, feyz aparan lazımdı.

Vajeyi-qodsi-imamət sayılır şərti-qəbul,
Hökmi-tövhidə “Bəli”, ruho rəvan lazımdı.

Kərbəlasız nə Səfa, Mərva, nə Zəmzəm, nə Mina,
Kəbəni Kəbə edə Miri-cinan lazımdı.

Kəbəni hifz eyləyən Kərbubəladır “Seyyid”,
Çün dəvam etməyə Beytullahı qan lazımdı.

Şərhlər

Bu yazı üçün şərh bağlandı.
.Birinci nəfər olun ki şərh yazisiz

adver2

Dini münasibətlər

Namaz vəxti

Sübh azanı 04:25
Gün çıxır 05:54
Zöhr azanı 12:45
Gün batır 19:35
Məğrib azanı 19:49
Gecə yarısı 23:19

Höccətülislam vəlmüslimin Seyid Əliəkbər Ocaqnejad
Rəsmi internet saytı 
© 2016 Müəllif hüquqları qorunur
Materialdan istifadə edərkən
WWW.OCAQNEJAD.NET 
saytına istinad zəruridir
Designed by