Hüseyn adı ilə açıb asimanda pər Şahi,
Səmadan əxz eləyib hörməto-hünər Şahi.

Hüseyn adı ilə kəlamın edibdi xeyri-kəlam,
O adla öz adını etdi mötəbər, Şahi.

Yazıb Hüseyn adını, qəmzələr satıb ədnə,
Bu məsnədə dayanıb, ərşə naz edər Şahi.

Hüseynin ol quru ətşan yanan dodaqlarına,
Ölüncə ağlamağa bağlayıb kəmər, Şahi.

Qızıl xəzinəsidir sinəsi onun, Seyyid,
Ətək ətək odu gözdən tökər gövhər, Şahi.